Ұлттық экономика вице-министрі Өсеров үйқамаққа алынды
Алматы қаласының соты ұсталған Ұлттық экономика министрінің орынбасары Ілияс Өсеровті 2 ай мерзімге үйқамаққа алу туралы шешім шығарды, деп хабарлайды Алматы сотының баспасөз қызметі.
Фото: gov.kz
18:29 12.04.2023
«10 сәуірде Алматы қаласының мамандандырылған ауданаралық тергеу сотына Сыбайлас жемқорлыққа қарсы іс-қимыл агенттігінен күдікті І. Өсеровке қатысты 2 ай мерзімге үй қамағына алу түріндегі бұлтартпау шарасын қолдану туралы Алматы қаласы прокурорының орынбасары келіскен өтініш келіп түсті», - делінген хабарламада.
«Өтініш қанағаттандырылды. Күдіктіге қатысты екі ай мерзімге, яғни 2023 жылғы 10 маусымға дейін бұлтартпау шарасы қолданылды», - дейді соттан.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
