Осы аптада күн 33 градусқа дейін ысиды
Қазгидромет синоптиктері 25-27 сәуір аралығына арналған үш күндік ауа райы болжамын ұсынды.
Фото: tn.kz
11:34 24.04.2023
Алдағы күндері, атмосфералық фронттардың әсерінен батыста, оңтүстікте, еліміздің солтүстік аймақтарында күн жаңбырлы болады. Оңтүстік-шығыста, 25-26 сәуірде шығыста түнде жауын-шашын (жаңбыр, қар), күндіз жаңбыр, 25-26 сәуірде оңтүстік-шығыста қатты жауын-шашын жауады.
Еліміздің қалған бөлігіне Батыс антициклонының әсерінен күн ашық болады. Республика бойынша тұман түсіп, жел күшейеді, батыста және оңтүстік аймақтарда найзағай жарқылдайды. Шаңды дауыл соғады, шығыста түнде көктайғақ, оңтүстік-шығыста күндіз бұршақ жауады.
Күндіз ауа температурасы батыс өңірлерде 23-30 жылыға дейін, солтүстік-батыста, солтүстікте және еліміздің орталығында 20-27 жылыға дейін, шығыста 15-23 жылыға дейін, оңтүстікте 25-33 жылыға дейін, оңтүстік-шығыста 17-25 жылыға дейін біртіндеп жоғарылайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Серіктестер жаңалықтары
