Абай облысында өрттен зардап шеккендерге қаражат жинау аяқталды
«Ақ Ертіс» қоғамдық қоры Абай облысында орман өртінен қаза тапқандар мен зардап шеккендердің отбасыларына қаражат жинау аяқталғанын мәлім етті.
09:27 17.06.2023
Бұл туралы өңір әкімдігінің Telegram-каналында жарияланды.
«Құрметті қазақстандықтар! «Ақ Ертіс» қоғамдық қоры Абай облысының Бородулиха ауданындағы орман өрті салдарынан қаза тапқандар мен зардап шеккендердің отбасыларына қаражат жинау және гуманитарлық көмек көрсету үшін қол ұшын созған еліміздің барлық тұрғынына үлкен алғысын білдіреді.
Барлық қазақстандықтардың бірігуінің арқасында бірнеше күн ішінде қаза тапқандар мен зардап шеккендердің барлық отбасыларына жан-жақты көмек көрсету үшін жеткілікті қаражат жиналды.
Сондықтан, алаяқтардың қандай да бір алыпсатарлық әрекеттерін болдырмау үшін «Ақ Ертіс» қоғамдық қорының жоғарыда аталған мақсаттарға қаражат жинауы аяқталғаны туралы хабарлаймыз.
Жиналған қаражатты бөлу кезінде объективтілік пен ашықтықты қамтамасыз ету үшін тиісті уәкілетті комиссиялармен өзара іс-қимыл жасай отырып, қор көмек көрсетуде бірыңғай тәсілді әзірлейтін болады», - делінген мәліметте.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
