{metadescription}

БҚО-да баланың қолы арматураға қысылып қалған

Батыс Қазақстан облысында қолы арматураға қысылып қалған 12 жасар бала құтқарылды.

Фото: БҚО ТЖД баспасөз қызметі

14:40 21.06.2023

БҚО ТЖ департаментінің баспасөз қызметінен мәлім еткеніндей, оқиға 20 маусым күні кешкісін Теректі ауданы Пойма ауылында болды.

«Сағат 17.28-де 101 пультіне Шевченко көшесіндегі мекенжайдан шақырту келіп түсті. Май зауыты аумағында 2011 жылғы баланың қолы арматураға қысылып қалғаны анықталды. Шақырту орнына жедел жеткен құтқарушылар баланың қолын арматурадан босатып, сағат 18.20-да жұмысты толықтай аяқтады. Құтқарылған бала жедел жәрдем қызметіне тапсырылды. Оқиға орнында БҚО ТЖД жедел құтқару жасағынан 4 қызметкер 1 техникамен жұмыс атқарды. Қазіргі кезде оқиғаның жай-жапсары анықталып жатыр», - деп хабарлады ведомстводан.

Дереккөз: ҚазАқпарат

Бізді Youtubе-та қараңыз! Бізді Facebook-та, Instagram-да, Telegram-да оқыңыз!