Франциядағы тәртіпсіздік кезінде 470-тен астам адам ұсталды
Францияның құқық қорғау органдары жұма күні тәртіпсіздік басталғаннан бері 471 адамды ұстады.
Фото: REUTERS/ Gonzalo Fuentes
10:49 01.07.2023
BFMTV телеарнасы ішкі істер және шетелдегі аумақтар министрі Жеральд Дарманенге сілтеме жасап хабарлағандай, бұған дейін 270 адам ұсталғаны туралы ақпарат берілген, соның ішінде 80-нен астам адам Марсельде ұсталған. Жұма күні кешке Марсель мэрі Бенуа Паян министрден қалаға дереу қосымша тәртіп күшін жіберуді талап етті.
«Марсельде тонау мен зорлық-зомбылыққа жол берілмейді. Мен бұл вандализм әрекеттерін қатты айыптаймын», - деп жазды ол Twitter-де.
БАҚ хабарлауынша, қала үстінде барлау ұшағы мен жандармерия тікұшағы ұшып жүр, ал көшелерде қару орнатылған құрышты автомобильдер жүр. Agence France-Presse мәліметінше, билік көшедегі тәртіпсіздікті басуға маманданған полиция қызметкерлерін жіберуі мүмкін. Бұған дейін қалада ондаған дүкен, соның ішінде қару-жарақ дүкенін тоналған болатын. Кейінірек ұрылардың бірі ұсталып, одан аңшылық мылтық табылды.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Серіктестер жаңалықтары
