Франциядағы тәртіпсіздіктерден зардап шеккен қазақстандықтар бар ма
Сыртқы істер министрлігінің ресми өкілі Айбек Смадияров Францияда болып жатқан жаппай тәртіпсіздіктер бойынша сондағы отандастарымыздың тағдырына қатысты пікір білдірді, деп хабарлайды ҚазАқпарат.
18:03 03.07.2023
«Франциядағы тәртіпсіздіктер бойынша бізге зардап шеккендер немесе көмек сұрағандар туралы хабар келіп түскен жоқ. Жағдай тұрақты. Тәртіпсіздіктер тек 1-2 қаласында, ал жалпы Францияда тыныш», - деді Айбек Смадияров ведомствода өткен баспасөз мәслихатында.
Еске салсақ, Францияда жасөспірім өлімінен кейінгі ереуілде ұсталғандар саны 421 жеткен болатын. Мұнан соң 470-тен астам адам ұсталғаны туралы айтылды.
Одан бөлек, Франция президенті палата төрағалары мен 220 муниципалитет мэрін қабылдайтыны хабарланды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
