{metadescription}

Өскеменде бүгіннен бастап трамвайлар тоқтайды

Өскемен қаласында бүгіннен бастап бір аптаға жуық уақыт бойы трамвай жүрмейді.

Фото: oskemen.info

13:09 06.07.2023

Қалалық жолаушылар тасымалын басқару орталығының мәліметіне сүйенсек, жөндеу жұмыстарына байланысты 6 шілдеден бастап трамвай қозғалысы тоқтатылды.

«Қазақстан» көшесіндегі рельстерді ауыстыру жұмыстары жүргізілмек. Сондықтан, трамвайлардың орнына қосымша автобустар шығарылады. «Өскемен бекеті-Защита» бағытында №15 автобус жүреді. Оның қозғалысын Oskemenbus мобильді қосымшасынан бақылап отыруға болады», - делінген ақпаратта.

Трамвай жолдарын жөндеу жұмыстары шамамен бір аптаға созылады деп жоспарланған. Сонымен қатар, тасымалдаушылар «Қазақстан» көшесінің бойымен жүретін №26, Абай даңғылында жүретін №67 және №6 автобустарының санын арттырмақ.

Дереккөз: ҚазАқпарат

Бізді Youtubе-та қараңыз! Бізді Facebook-та, Instagram-да, Telegram-да оқыңыз!