Таразда көлік полициясы рельс ұрлау фактілерін жасырып келген
Бас көлік прокуратурасының үйлестіруімен көліктегі полиция департаменті ұйымдасқан қылмысқа қарсы күрес және жеке қауіпсіздік басқармалары теміржолдың жай-күйін жақсартуға арналған материалдарды ұрлау фактілерін әшкереледі, деп хабарлайды ҚазАқпарат.
Фото: promputsnab.ru
15:36 18.07.2023
ҚТЖ Қарағанды бөлімшесінде мұндай тауарларды аса ірі көлемде иемдену фактісімен қатар Жамбыл өңірінде бір топ адам тағы сондай ұрлық жасаған.
Бұл учаскеде жалпы сомасы 5 млн теңгеден астам шығын әкелген 17 эпизод тіркелген.
Тергеу көрсеткендей, осы тізімдегі 13 ұрлықты Тараз стансасындағы көліктегі полицияның лауазымды тұлғалары есепке алмай, жасырған.
Көбіне қолданыстағы теміржол желілерінің 5 мыңнан астам «ФОССЛО» бекіткіші ұрланған.
Бұл негізгі бөлшектер рельстерді мықтап бекітуге және жоғары жылдамдықты қозғалыстың қауіпсіздігін қамамасыз етуге арналған.
Тергеу мүддесі үшін өзге ақпарат жарияланбайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
