Шымкентте жер үй өртеніп, екі адам көз жұмды
Шымкентте жеке тұрғын үй өртеніп, екі адам қаза болды, деп хабарлайды ҚазАқПарат.
17:59 07.08.2023
Оқиға әл-Фараби ауданына қарасты Циалковский көшесінде болды. Өрт орын алған аумақта 100 шаршы метр ғимарат құлап, 60 шаршы метр алаңдағы сарай мен жолаушылар көлігі жанып кетті. Сондай-ақ оқиға орнынан 70 және 38 жастағы тұрғындардың мәйіттері табылды.
«Өртті сөндіруге Шымкент қаласы Төтенше жағдайлар департаменті Өрт сөндіру қызметінің 31 қызметкері мен 7 техникасы, Апаттар медицинасы орталығы филиалының бригадасы тартылды. Өрттің себебі мен материалдық залалдың мөлшері анықталып жатыр. Сот-медициналық сараптама тағайындалды», - делінген Шымкент қаласы Төтенше жағдайлар департаменті таратқан ақпаратта.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Серіктестер жаңалықтары
