{metadescription}

Алматыда жүргізушісі жоқ автобус апатқа ұшырады

Алматыда жүргізушісі жоқ автобус өз бетінше артқа қарай жүріп кетіп, бірнеше көлікті соқты, салдарынан бір адам зардап шекті.

Фото: Видеодан алын5ан кадр: instagram.com/kris.p.original

09:51 07.09.2023

Оқиғаның видеосы әлеуметтік желіде тарады.

Алматы қалалық полиция департаментінің мәліметінше, 6 қыркүйек күні Абай даңғылы мен Наурызбай батыр көшесінің қиылысына жақын жерде № 79-бағыттағы қоғамдық көлік жол жиегінде тұрып, батыс бағытқа қарай қозғалып, төрт көлікке соғылған.

«Апат салдарынан «Киа» маркалы көліктің жолаушысы дене жарақатын алды. Бұл кезде автобус жүргізуші көліктің сыртында болған. Бұл деректі Бостандық аудандық полиция басқармасы өндіріске алды. Оқиғаның мән-жайы анықталып жатыр», - деп хабарлады Алматы қалалық полиция департаментінің баспасөз қызметінен.

Дереккөз: ҚазАқпарат

Бізді Youtubе-та қараңыз! Бізді Facebook-та, Instagram-да, Telegram-да оқыңыз!