Қарттар күніне орай бірнеше өңірдегі зейнеткерлерге қаржылай көмек көрсетіледі
Қарттар күні, зейнеткерлер және Республика күні мерекесіне орай қарттарға біржолғы материалдық көмек көрсетіледі.
19:38 26.09.2023
Бұл туралы еңбек және халықты әлеуметтік қорғау министрі Светлана Жақыпова айтты.
"Қарттар күнінде (1 қазан) Астана қаласында, Қарағанды, Маңғыстау, Түркістан облыстарында, Жетісу және Ұлытау облыстарында, сондай-ақ Республика күнінде (25 қазан) Ақмола және Павлодар облыстарында 234 мыңнан астам адамды қамтитын біржолғы қаржылық 2-ден 10 АЕК-ке дейін (6900 теңгеден 34500 мың теңгеге дейін) қарттарға көмек көрсетіледі, бұл шамамен 1,9 миллиард теңге болады", - деді Жақыпова Орталық коммуникациялар қызметінде өткен брифинг барысында.
Министрдің айтуынша, Қарттар күніне орай Алматы, Шығыс Қазақстан, Жамбыл, Түркістан облыстарында, Абай және Ұлытау облыстарында мерекелік азық-түлік қоржындары таратылады.
Дереккөз: Tengrinews.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
