Баспалдақтан құлаған бала: Министр мектептерге тексеру жүргізуді тапсырды
Бүкіл мектептегі қауіпсіздік шараларын бақылауды күшейту керек.
20:09 26.09.2023
Мұны аппарат жиналысында Оқу-ағарту министрі Ғани Бейсембаев айтты.
«Күні кеше Астана қаласында №14 мектепте оқушымен болған оқиға бәрімізді алаңдатты. Бұдан жекелеген аймақтардағы білім басқармаларының бұл мәселені жіті бақылауда ұстамай отырғанын байқауға болады. Сіздерге үнемі айтылатын дүние: «Мектепте балаларға сапалы білім, саналы тәрбие берумен қатар, оқушылардың қауіпсіздігін басты орынға қою маңызды. Сондықтан бүкіл мектептегі қауіпсіздікті бақылауды күшейту керек», - деді Ғани Бейсембаев.
Сонымен бірге министр өңірлердегі білім басқармаларының жауапты қызметкерлеріне мектепке барып, қауіпсіздік шараларын орындау барысын тексеруді тапсырды.
Еске салайық, Астанада оқушы мектеп баспалдағынан құлап, ауруханаға түсті.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Серіктестер жаңалықтары
