{metadescription}
Бөлісу:
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Telegram
Сенатта Қазақстан мен Қытай азаматтарының көші-қонына қатысты заң мақұлданды
Бүгін Сенаттың жалпы отырысында «Қазақстан Республикасының Үкіметі мен Қытай Халық Республикасының Үкіметі арасындағы Тараптар мемлекеттерінің азаматтарына қатысты ақпарат алмасу туралы келісімді ратификациялау туралы» Заңы мақұлданды, деп хабарлайды ҚазАқпарат.
11:44 05.10.2023
Келісімге Мемлекет басшысының Қытайға сапары барысында биылғы 17 мамырда Сиань қаласында Қытай Халық Республикасы және Қазақстан Республикасының Сыртқы істер министрлері қол қойды.
Заңның мақсаты - Қазақстан мен Қытай азаматтарына қатысты көші-қон саласында ақпарат алмасу бойынша өзара іс-қимыл жасау.
«Бұл мәліметтер қос азаматтыққа қарсы күреске, сондай-ақ заңсыз көші-қон арналарының жолын кесу үшін қажет. Шартты іске асыратын құзыретті органдар ретінде Қазақстан жағынан Ішкі істер министрлігі мен Еңбек және халықты әлеуметтік қорғау министрлігі, ал Қытай жағынан Сыртқы істер министрлігі мен Көші-қон істері бойынша мемлекеттік басқарма белгіленген», - деді сенатор Мұрат Қадырбек.
Аталған органдар азаматтарының дербес деректерінің қорғалуына жауап береді.
«Келісімде егемендікке, қауіпсіздікке қауіп төнгенде және заңнамаға қайшы келген жағдайда, сұрау салуларды орындаудан бас тарту көзделген. Қазіргі кезде осындай екі жақты келісім бес елмен (Әзербайжан, Беларусь, Қырғызстан, Тәжікстан, Өзбекістан) жасалған. Сондай-ақ Ресеймен, Армениямен, Қырғызстанмен көпжақты шарт бар. Келісімді ратификациялау көші-қон және қос азаматтыққа қарсы іс-қимыл саласында Қазақстан Республикасы мен Қытай Халық Республикасының арасындағы ынтымақтастықты нығайтуға ықпал етеді, және тараптардың азаматтары туралы ақпарат алмасу жөнінде тиісті құқықтық тетікті жасауға мүмкіндік береді», - деді депутат.
Өз кезегінде Сенат төрағасы Мәулен Әшімбаев аталған заң аясында ақпарат алмасу мемлекет мүддесін ескере отырып жүзеге асырылатынын айтты.
«Мақұлданған заң екі елдің миграция саласындағы құзыретті органдары арасындағы қарым-қатынасты дамытуға оң септігін тигізеді деп сенеміз», - деді Сенат төрағасы.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Бөлісу:
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Telegram
