{metadescription}
Бөлісу:
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Telegram
Израиль үкіметі мен ХАМАС тұтқындарды босату жөнінде келісімге келді
Израиль үкіметі бірнеше сағатқа созылған келіссөзден кейін ХАМАС тобымен келісімді мақұлдады.
08:32 22.11.2023
Келісімге сәйкес 7 қазанда Израильден ұстап әкетілген тұтқындарды босату, соғыс іс-қимылдарында үзіліс жасау және жауап ретінде израильдік түрмелерден палестиналықтардың бір бөлігін жіберу көзделген.
Келісімнің егжей-тегжейі:
- ХАМАС содырлары израильдік 50 тұтқынды – тек азаматтық тұлғаларды, әйелдер мен балаларды босатады;
- Израиль Газа секторында оқ атуды тоқтатады – ол күнде 6 сағатқа созылып, 5 күн бойы жалғасады;
- Израиль түрмелерден палестиналық 150-300 адамды (цифрлар әлі нақтыланған жоқ) – әйелдер мен кәмелетке толмағандарды босатады;
- Оқ ату тоқтатылған 6 сағаттық үзіліс кезінде Газаға гуманитарлық көмек пен отын тиелген жүк көліктері кіргізіледі.
Израильдің Haaretz басылымы осы елдің жоғары лауазымды шенеунігіне сілтеме жасай отырып жазуынша, жоспар бойынша атыс тоқтатылатын 5 күн ішінде ХАМАС «кепілге алынған 30 баланы, 8 ананы және тағы 12 әйелді» босатады.
Израиль ақпарат құралдарының хабарлауынша, тұтқындарды босату бейсенбі күні басталуы мүмкін. Оларды босату кезең-кезеңімен жүзеге асырылады деп күтіледі – күніне 12 адамнан.
Times of Israel газеті үкіметтегі дереккөзге сілтеме жасап мәлім еткендей, келісім мақұлданғаннан кейін Израиль түрмеден шығарылатын палестиналықтар туралы толық ақпаратты жариялауы тиіс.
Дереккөз: Кazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Бөлісу:
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Telegram
