{metadescription}
Бөлісу:
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Telegram
Ақтөбеде көші-қон заңнамасын бұзған шетел азаматтары ұсталды
Ақтөбеде ҚР Көші-қон заңнамасын бұзған Бангладеш және Тәжікстан азаматтары ұсталып, кейбірі елден шығарылды, деп хабарлайды Kazinform.
Фото: polisia.kz
19:23 22.12.2023
Ақтөбе станциясындағы желілік полиция бөлімінің және ҰҚК Ақтөбе облысы бойынша шекара қызметі департаментінің қызметкерлері теміржол вокзалын тексерді. ҚР Көші-қон заңнамасын бұзғаны үшін Бангладештің 41, 31, 26 жастағы үш азаматын ұстады.
Шетелдіктерге ҚР ӘҚБтК-нің 517-бабының 4-бөлігі, яғни, шетелдіктің немесе азаматтығы жоқ адамның Қазақстан Республикасының халықтың көші-қоны саласындағы заңнамасын бұзуы бойынша әкімшілік хаттама толтырылды.
- Ақтөбе қаласының әкімшілік құқықбұзушылық жөніндегі мамандандырылған ауданаралық сотының қаулысымен шетелдік азаматтар 5 жыл бойы ҚР аумағына кіре алмайды. Қазақстан аумағынан тыс жерге шығарып жіберу түрінде жауапқа тартылды.
Сонымен бірге «Тосқауыл» жедел алдын-алу шарасы кезінде Қазақстан Республикасының көші-қон заңнамасын бұзғаны үшін Тәжікстан Республикасының екі азаматы ұсталды. Олар әкімшілік жауапкершіліктен құтылуға әрекеттенген.
Алайда Ақтөбе станциясындағы көші-қон қызмет тобы және ҰҚК шекара қызметкерлері, Батыс Қазақстан облысындағы әріптестеріне хабарласып, тәжікстандықтарды Орал қаласынан ұстады. Олар да ӘҚБтК-нің 517-бабының 4-бөлігі бойынша әкімшілік жауапқа тартылды.
Ақтөбе қаласының әкімшілік құқықбұзушылықтар жөніндегі мамандандырылған ауданаралық сотына шешімімен екі шетелдіктің біреуіне 86 мың 250 теңге әкімшілік айыппұл салынып, екіншісі ел аумағынан шығарылды, - деді Ақтөбе станциясындағы желілік полиция бөлімінің бастығы Айбек Бекжанов.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Бөлісу:
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Telegram
