Елімізде өгей ата-анамен тұратын балалар ерекше назарға алынады
Қазақстанда балаларды зорлық-зомбылықтан, буллинг және кибербуллингтен қорғау және көмек көрсетудің арнайы әдістемесі бекітілді.
13:40 05.02.2024
Бұл туралы Ішкі істер министрлігі Әкімшілік полиция комитетінің басқарма бастығы Әсет Оспанов мәлім етті.
«Балаларға қатысты зорлық-зомбылық фактілерін анықтау мақсатында полицейлер жұмысының алгоритмі әзірленді. Оған сәйкес өгей ата-анамен тұратын балаларға ерекше назар аударылады. Өткен жылы желтоқсанда мемлекеттік органдармен бірлесіп зорлық-зомбылыққа, буллинг және кибербуллингке ұшыраған балалар мен жасөспірімдерді анықтау және оларға көмек көрсету жөніндегі арнайы әдістеме бекітілді», - деді Әсет Оспанов ІІМ-де өткен баспасөз мәслихатында.
ІІМ өкілінің мәлімдеуінше, барлық өңір бойынша әкімдік жанынан балаларды зорлық-зомбылықтан қорғау үшін ведомствоаралық мобильді топтар құрылды.
«Оның құрамына бала құқықтары жөніндегі өңірлік уәкілдер, білім беру, халықты әлеуметтік қорғау қызметкерлері және учаскелік полиция инспекторлары кіреді. Жедел ақпарат алмасу ватсап-чаттардың көмегімен жүргізіледі», - дейді ол.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
