Америкада 5 миллионнан астам адам қауіпті вирус жұқтырған
Панамерикалық Денсаулық сақтау ұйымы Америкада биыл 5,2 миллионнан астам адам денге вирусын жұқтырған деген дерек береді, деп хабарлайды Azattyq Ruhy.
Фото: Reuters
13:45 19.04.2024
Бұл өткен айдағы мәліметтен 48% көп. Денге вирусын масалар таратады. Одан биыл 1800-ден астам адам көз жұмған.
Панамерикалық Денсаулық сақтау ұйымының басшысы Жарбас Барбоза денге ауруының Америкада «төтенше жағдай» тудырып отырғанын айтты. Оның дерегінше, вируспен ең көп ауырған - Аргентина мен Бразилияның халқы.
Барбозаның айтуынша, денгеге қарсы вакцинаның саны шектеулі, оның үстіне вакцина тез әсер етпейді.
«Денгеге қарсы вакцинасының өлім-жітімді азайтуда маңызы зор, бірақ ол әсер еткенге дейін біраз уақыт алады», - деді ұйым басшысы.
Кейбір ауыр жағдайларда қан кетіп, науқастың өліміне әкеледі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
