ШҚО-да жер үйге кіріп кетіп адамды тістеп алған қасқырдан құтыру ауруы анықталды
Шығыс Қазақстан облысы Алтай ауданында жер үйге кіріп кетіп адамды тістеп алған қасқырдан құтыру ауруы анықталды.
Фото: pixabay.com
13:27 22.05.2024
Оқиға 28 сәуірде Алтай ауданы Быково ауылында болған. Қасқыр есігі ашық тұрған жер үйге кіріп кеткен. Түз тағысы адам мен екі итті тістеп алған. Кейін ауыл тұрғындары өз беттерімен жиналып, сол қасқырдың ізіне түсіп, көзін жойды. Содан соң қасқырдан патологиялық материалдар алынған.
«Сараптама қасқырдың құтыру ауруына шалдыққанын көрсетті. Зардап шеккен ер адам қазіргі уақытта емделіп жатыр. Оның ішінде оған екпе де салынды», - дейді Алтай ауданы бойынша аумақтық инспекцияның басшысы Ерзат Әміренов.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
