-Тағы бір қылмысқа барғаныңызды мойындайсыз ба?

-Иә.

-Марқұм сізге кім еді?

-Жәй танысым.

Бұл былтыр қаніпезер лезбидің тағы бір қызды аяусыз өлтіргенін айтып ағынан жарылған сәті. Ол марқұм Бибігүл Момбекова. 2 баласы бар келіншек алдыңғы жылы із-түзсіз жоғалып бөлшектелген мәйіті тек 8 айдан кейін табылған болатын. Сөйтіп, Коралина өзі істеген жаңа қылмысының бетін ашқан еді.

Енді міне араға 4 ай салып, жазасын өтеп жатқан Александра Ли тағы да сот залына әкелінді. Оған Бибігүл Момбекованы «айуандықпен өлтірді» деген айып тағылған. Бұдан бөлек тағы екі айыпталушы бар. Олар Руслан Пак пен Олжас Нұркенов. Бұл екеуі марқұмның денесін бөлшектеп, көмуге көмектескен.

Дидар Қабаев, мемлекеттік айыптаушы:

-Александра Ли мен марқұм Бибігүл Момбекова екеуі бірінші арақ ішіп артынан сөзге келіп қалыпты. Содан кейін, Александра Момбекованың кеуде тұсына алты рет пышақ сұғып,өлтірген. Артынан марқұмның бөлшектелген денесін сыбайластарымен бірге Алматы облысындағы Қарой елді мекеніне көміп тастапты.

Сотқа дейін Александра Ли қылмысқа балам үшін бардым деген. Айтуынша, марқұм Момбекова Каролинаны 8 жасар ұлымен кездестірмеген.

Бірақ куәгерлердің бүгінгі сөзінен кейін оның мұнысы жалған болып шықты. Сондай-ақ сотта тыңдалған куәгерлердің бірі Момбекованы соңғы рет «Каролинамен» бірге көргенін айтты. Одан кейін Бибігүл жоғалып кеткен.

Билнара Момбекова, марқұмның сіңілісі:

-Мен әпкемді 8 ай бойы іздеп таппай жүрдім. Бір күні мәйіті табылды деген хабар келді. Мәйітханаға барсам, денесі бөлшектелген, басы болған жоқ.Тек татуровкасына қарап таныдым да, «бұл менің әпкем»-дедім.

Аты шулы лезби қыздың осындай айуандығы үшін мемлекеттік айыптаушы, Александра Лидің түрмеде отыру мерзімін 12 жылға ұзартуды сұрады. Ал, өзін сабырлы ұстаған Ли сот бойы істеген қылмысына өкінбейтіндей кейіп танытып, тек соңында ғана жәбірленуші тараптан кешірім сұрады.

- Айыбымды мойындаймын.

- Өкінесіз бе?

- Иа, сөйлегім келмейді.

Бұдан кейін үкім шығаруға кеткен сот, біраз уақыттан кейін қайта келіп, қаніпезер лезбидің жазасын тағыда 5 жылға ұзартты. Сөйтіп алдыңғы жазасымен қосқанда Александра Ли 20 жыл абақтыда отыратын болды.  Ал, екі сыбайласы Олжас Нұркенов 1 жыл 6 ай, Руслан Пак 1 жыл 3 ай бойы темір тордың ар жағында отырмақ.

-Осылайша Каролина Кан деген лақап атпен таныс 31 жастағы Александра екі бірдей адамның өлімі үшін жауапқа тартылды. Былтыр ол, өзінен 10 жас кіші Кристина Чернышовамен некеге тұрып, Қарағандыда тойларын дүркіретіп өткізген еді. Алайда бір жыл өтпей жатып араларында жан-жал туып, ол «сүйіктісін» қатыгездікпен өлтірген болатын. Енді оған Бибігүл Момбекованың өлімін қосыңыз. Александра Ли бұл қылмысы үшін енді ұзақ жылдар бойы қапаста отырмақ. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!