Оралдағы дәмханалардың бірінде болған жаппай улануға аспаз кінәлі болып шықты
Салмонеллезбен ауыратын ер адам осы дерттің қоздырғышы бар бургерлер дайындап, 29 адамның ауруханадан бір-ақ шығуына себепкер болған.
Автор: Гүлмира Тасболатқызы
23.11.2016
Аспаздың өзі осыдан біраз бұрын салмонеллезден емделген екен. Қазіргі таңда уланған адамдардың барлығы жазылып шықты. Енді олар дәмхана иесін сотқа бермек. Қазір осы іс бойынша тергеу жүргізіп жатыр. Ал дәмхана иесі әзірге ешқайда кетпеу туралы қолхатпен босатылыпты. Естеріңізге сала кетейік, Оралдағы дәмханалардың бірінде 29 адам гамбургерден уланып, ауруханаға түскен болатын.
Гаухар Досығалиева, Орал қалалық тұтынушылар құқығын қорғау басқармасының бөлім басшысы :
-Клиникалық тұрғыдан ауру белгілері анықталмағанның өзінде де , лабораториялық зерттеуге алынған нәтижелер бойынша оң нәтиже көрсетті. Сол бойынша қазіргі таңда бұл адам инфекция көзінің ошағы екені анықталып отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
