Түркістан облысында зорланған балаға қатысты айып бір күдіктіге тағылды
Төртеудің біреуі ғана айыпты болып шықты. Бас прокуратура Түркістан облысы, Абай ауылында 7 жасар баланы зорлаған төрт жеткіншекке қатысты қылмыстық істі тергеп бітті.
Автор: Ербол Тұрымбет
06.08.2018
-Төрт күдіктінің арасында бір ғана жасөспірім 14 жасқа толған. Оның іс-әрекеттері ҚР Қылмыстық кодексінің 121-бабы 4-бөлігі (Жас балаға қатысты жыныстық сипаттағы зорлық-зомбылық әрекеттер) бойынша бағаланды. Қалған күдіктілердің 14 жасқа толмауына байланысты қылмыстық іс тоқтатылды.
Яғни, Қылмыстық кодексте зорлық-зомбылық үшін жауапкершілікке тарту 14 жастан басталады екен. Ал істі барынша әділ әрі жан-жақты зерделеу үшін медициналық, психиатриялық, биологиялық, молекулярлық-геномдық сот сараптамалары жүргізілген. Сол үшін Ресей, Қырғызстан және Грузияның жеке және мемлекеттік сарапшылары, сондай-ақ, еліміздің балалар дәрігерлері де шақырылған. Іс бойынша барлығы 14 кешенді сот сараптамасы мен 4 зерттеу жасалды. Айта кетсек, атышулы оқиға наурыз айында жария болған еді. 7 жасар бала өзіне әлгі төртеуінің 5 ай бойы анайы әрекет жасап келгенін әжесіне айтып берген.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
