Алматы облысында 3 адам кәріз құдығына түсіп қаза тапты
Қайғылы оқиға Қапшағай қаласында болған.
Автор: Мақсат Мәлік
28.08.2018
Облыстық төтенше жағдайлар департаментінің дерегінше, «Қапшағай Су құбыры» мекемесінің 3 қызметкері кәріз құдығын тазарту жұмыстарын жүргізіп жатыпты. Алдын ала болжам бойынша үшеуі де метан газының бөлінуінен уланып, сол сәтінде тілге келмей жан тапсырған. Құдықтағы қызметкерлердің мәйітін тек төтеншеліктердің көмегімен шығару мүмкін болған. Естеріңізге салсақ, бір ай бұрын ғана осы Алматы облысында 3 адамның ажалы кәріз құдығынан келген еді. Шелек ауылының орталық ауруханасы аумағындағы кәріз суы жиналатын шұңқырға екі сантехник пен бір медицина қызметкері түсіп, газға тұншығып өлді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
