Көкшетаудағы екі бірдей мұражайдың экспонаттарын жаңартып мұрағаттарды жаңғырту жұмысын шенеунік «май-шелпекке» айналдырған. Атқарылған жұмыс актісіне қол қоюға кәсіпкерлерден 15 миллион теңге мөлшерінде пара алған. Параны ол биылғы мамыр-қазан айлары арасында бірнеше бөліп алған екен. Басқарма басшысы кәсіпкерден қалған 5 миллион 700 мың теңгені алып жатып ұсталған. Қазір сотқа дейінгі тергеу басталды.

Данияр Бегайдаров, Сыбайлас жемқорлыққа қарсы іс-қимыл агенттігінің аға тергеушісі:

- Күдікті қылмыс үстінде ұсталып, Көкшетау полициясының уақытша ұстау изоляторына қамалды. Бұлтартпау шарасын таңдау туралы мәселе шешілуде. Күдікке қатысты түпкілікті шешімді оның кінәсінің деңгейін анықтау арқылы сотпен қабылданатын болады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!