{metadescription}

Мас күйде көлік жүргізген тұрғын туған інісі мен келінін мерт қылды

Шымкентте мас күйінде көлік жүргізген тұрғын туған інісі мен келінін мерт қылды.

16:00 02.04.2018

Қайғылы оқиға 26 наурызы күні Алматы -Ташкент -Термез тасжолының Шымкент қаласына қарасты аумағында болған.

Облыстық ІІД баспасөз қызметінің мәліметінше, мас күйде көлік басқарған 58 жастағы жүргізуші ВАЗ-21074 автокөлігімен екі бірдей туысын қағып кеткен.

Соның салдарынан 56 жастағы інісі мен 55 жастағы келіні оқиға орнында қаза тапты.

Қазір өңірдің ішкі істер департаментіне қарасты жедел-тергеу тобы жол-көлік оқиғасына қатысты тергеп-тексеру жұмыстарын жүргізуде.

Бірнеше сараптамалар тағайындалған.

Күдікті қамауға алынып, оған қатысты Қылмыстық кодекстің «Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы» бабымен іс қозғалды. Тергеп- тексеру амалдары жүргізілуде.

Дереккөз:ҚазАқпарат

Бізді Youtubе-та қараңыз! Бізді Facebook-та, Instagram-да, Telegram-да оқыңыз!