Қала орталығында ер адам полицейлерге оқ жаудырды
Мәскеуде полицейлерге жасалған шабуыл видеоға түсіп қалған.
09:20 24.08.2018
Ресейдің астанасы Мәскеу қаласы орталығында ер адам кенеттен еш себепсіз екі құқық қорғаушыға оқ ата бастайды.
Оқиға Мәскеу орталығында Сивцев Вражек көшесінде кешкі мезгілде болды. Шабуыл кезінде полицейлердің бірі жарақат алған. Қарулы ер адамға оқ атып, жарақаттап, тоқтатқан.
Оны ауруханаға жеткізді. Зардап шеккен полицейге де медициналық жәрдем көрсетілді. Өміріне еш қауіп төніп тұрған жоқ.
Кейінірек белгілі болғандай, полицейлерге 31 жастағы Қабарда-Балқар Республикасының тумасы шабуыл жасаған екен. Бұл әрекетінің себебі белгісіз.
Аталған дерек бойынша құқық қорғау органдарының қызметкерлеріне қастандық жасау туралы бапқа сәйкес қылмыстық іс қозғалды, деп хабарлайды Тергеу комитеті.
Дереккөз: Sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!