10-қабаттан құлаған баланы құтқарған азаматқа жарты миллион теңге берді
Өз кезегінде Артем Карев бұл құрметке алғысын айтты.
16:49 26.09.2018
Астана қаласының әкімі Бақыт Сұлтанов 10-қабаттан құлаған 7 жасар баланы құтқарған Астана тұрғыны Артем Каревты марапаттады.
Бейбіт күннің батыры атанған жас жігітке 500 мың теңгенің сертификаты берілді.
Еске сала кетсек, Астана тұрғыны 10 қабаттан құлағалы тұрған 7 жасар баланы құтқарып қалды. Оқиға 24 қыркүйек күні Сарыарқа ауданының Жеңіс даңғылындағы көпқабатты үйлердің бірінде орын алған. Таңғы 10:16-да Жеңіс даңғылындағы 28-үйде жас баланың 10-қабаттан құлау қаупі туралы хабар келіп түскен. 10:22-де оқиға орнына Астананың №2 арнайы мамандандырылған өрт сөндіру бөлімі жеткен және олар келгенше 9-қабаттағы тұрғын баланы құтқарып үлгерген.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
