{metadescription}

Фируза Шәріпова WBA рейтингінде көш бастады

Қазақстандық кәсіпқой боксшы Фируза Шәріпова халықаралық WBA рейтингі бойынша үздік спортшы атанды.

14:55 15.02.2019

«Екі салмақ дәрежесі бойынша кәсіби бокстан әлем чемпионы Фируза Шәріпова WBA рейтингінде 1-орынға тұрақтады. Бұл Фирузаны қазіргі күні Кэти Тейлорға тиесілі чемпиондық белдікке міндетті үміткердің бірі етеді», -делінген хабарламада.

Бүкіләлемдік бокс қауымдастығы (WBA) - кәсіби бокс спортындағы ежелден келе жатқан халықаралық ұйым. WBA нұсқасы бойынша Мұхаммед Әли, Майк Тайсон, Геннадий Головкин және басқа да танымал боксшылар чемпион атанған.

Айта кетсек, Фируза Шәріпова - бокстан жеңіл және жартылай жеңіл салмақ бойынша Қазақстаннан шыққан алғашқы әлем чемпионы. Боксшы WBA нұсқасы бойынша келесі жекпе-жегін финляндиялық Ева Вальстреммен өткізуді жоспарлап отыр.

Дереккөз: ҚазАқпарат

Бізді Youtubе-та қараңыз! Бізді Facebook-та, Instagram-да, Telegram-да оқыңыз!