{metadescription}

Қарағанды облысында 3 адам көлікті иесімен қоса ұрлап кетті

Қарағанды облысы Ақтоғай аудандық полиция бөлімінің жедел тобы көлік ұрлығының ізін суытпай ашып, үш күдіктіні ұстады.

18:50 12.06.2019

Бұл туралы Ішкі істер министрлігінің баспасөз қызметі хабарлайды. Ведомствоның мәліметінше, қылмыскерлер көлік иесін соққыға жығып, сосын оны Нұр-Сұлтан қаласынан бастап Қарағанды облысының Ақтоғай ауылына дейін жол бойы ұстап келіп, сол жерде полицияның қолына түскен.

Оларды тәртіп сақшылары жол үстінде құрықтаған. Күдіктілер Қылмыстық кодекстің 125 бабы 2 тармағына сәйкес (адамдар тобының адамды ұрлауы) жауапқа тартылатын болады. Қазіргі уақытта тергеу амалдары жүргізілуде.