{metadescription}

Қазақстандық оқушылар халықаралық олимпиадада 2 алтын, 3 күміс медаль еншіледі

Математика, физика, химия және информатика пәндері бойынша Саха Республикасында (Якутия) өткен халықаралық «Туймаада» олимпиадасынан Қазақстан құрама командасы жүлделі оралды.

17:21 16.07.2019

Олимпиада қорытындысы бойынша біздің құрама команда 2 алтын, 3 күміс және 2 қола медальға ие болды, деп хабарлайды Білім және ғылым министрлігінің баспасөз қызметіне сілтеме жасап. Жеңімпаздар қатарында Айбек Мырзатаев (Атырау қаласы дарынды ер балаларға арналған «Білім-инновация» лицей-интернаты) пен Рауан Қалдыбаев (Нұр-Сұлтан қаласы «Республикалық физика-математика мектебі») алтын медаль жеңіп алып, жасөспірімдер лигасындағы абсолютті жеңімпаз атанды.

Ал, Арман Уразгулов (Алматы қаласы Ходжиков атындағы №39 мамандандырылған лицейі), Исламхан Серікбаев (Қызылорда қаласы облыстық дарынды балаларға арналған №9 «Білім-инновация» лицей-интернаты) және Дінмұхаммед Тұрсынбай (Алматы қаласы мамандандырылған «Білім-инновация» лицей-интернаты) күміс медаль иеленді. Алексей Янченко (Алматы қаласы «Республикалық физика-математика мектебі») мен Кибриянур Абдугафарова (Шымкент қаласы № 2 дарынды ер балаларға арналған «Білім-инновация» лицей-интернаты) қола медальді місе тұтты.

Олимпиадада Ресей, Румыния, Болгария, Сингапур, Иран, Тәжікстан және Қазақстаннан 154 оқушы бақ сынады. Қазақстаннан олимпиадаға жалпы саны 17 оқушы қатысты. Олимпиада екі күн бойы жеке біріншілікте төрт пән бойынша, атап айтқанда математика, физика, химия және информатика пәндерінен екі турда өтті.

Дереккөз: ҚазАқпарат

Бізді Youtubе-та қараңыз! Бізді Facebook-та, Instagram-да, Telegram-да оқыңыз!