{metadescription}

Көлік апатынан 2 адам көз жұмып, 12-сі зардап шекті

Непалдың батысында Баджура ауданында жол талғамайтын көлік биіктіктен құлап, салдарынан 12 адам зардап шекті және екі адам мерт болды.

09:20 20.07.2019

Баджура полициясының басшысы орынбасарының айтуынша, жол талғамайтын көлік жоғары өрлеген жолмен көтерілген сәтінде аударылып, 50 метрлік биіктіктен құлаған. Полицияның хабарлауынша, 6 адамға арналған көлікте 16 жолаушы болған. Екі адам аман қалған. Жол апаты көлікте шамадан тыс жолаушылардың көптігінен, сондай-ақ қара жолдың нашар болуы салдарынан орын алған.

Жергілікті билік құтқару операциясын жүргізді. Кейбір жолаушыларды Колти елді мекеніндегі медициналық орталыққа, ал қалғандарын әуе жолымен Непалдың оңтүстік-батысында Непалгандж қаласындағы ауруханаға жеткізген. Сондай-ақ, ауыр халдегі төрт адамды әуе көлігімен ел астанасы Катмандағы ауруханалардың біріне алып барған.

Дереккөз: ҚазАқпарат

Бізді Youtubе-та қараңыз! Бізді Facebook-та, Instagram-да, Telegram-да оқыңыз!