Қарағанды облысында жергілікті жұмысшылар шетелдіктермен төбелесті
Қарағанды облысында жергілікті және шетелден келген жұмысшылар арасында жанжал шықты.
12:06 13.08.2019
Әлеуметтік желілерде жұмысшылар тобының жиналған сәтін бейнелейтін видео таралды. Ролик авторы Жәйрем ауылының тұрғындары мен шетелдік жұмысшылардың арасында қақтығыс орын алғанын айтты. Соның салдарынан бірнеше шетелдік қызметкердің жарақат алғаны белгілі болды. Оларға медициналық көмек көрсетілді.
Оқиға 12 тамызда болған. Бұл жағдайды реттеу үшін оқиға орнына Қарағанды облысының әкімі Ерлан Қошанов барды. Өңір басшысы жергілікті тұрғындармен және комбинат жұмысшыларымен кездесті. Жанжалдың себебі белгісіз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
