Қарағандыда бұзақылар жолаушылар толы автобусқа оқ жаудырды
Қарағандыда кешкі уақытта белгісіз адамдар аялдамада тұрған жолаушы автобустарына пневматикалық қарудан оқ атқан.
11:17 09.10.2019
Полицияның мәліметінше, 8 қазан күні кешкі сағат 19-00 шамасында 45 квартал аумағында жолаушылар автобустарына бұзақылар пневматикалық қарумен оқ жаудырып, әйнегін сындырған. Сол кезде №40 автобустың салонында 45-ке жуық, №45 маршрутты автобуста 120-ға жуық және №33 автобуста 70-ке жуық жолаушы болған. Оқиға салдарынан ешкім зардап шекпеген.
Жағдайды тексеру барысында №45 маршруттық автобус салонынан пневматикада қолданылатын диаметрі 4,5 мм металл шарик табылды. Аталған дерек бойынша ҚР ҚК 293 - бабының 3-бөлігінің 2-тармағы «Бұзақылық» бойынша қылмыстық іс тіркелді. Қазіргі уақытта полиция қызметкерлері күдіктілерді анықтау, оларды ұстау үшін шаралар қабылдап жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
