Ер адам көлік нөмірінің арқасында мол олжаға кенелді
Ол 10 мың долларды қызына сыйлауды жөн санады.
16:42 17.01.2020
Ал қалған ақшаны сақтап қойған екен. Ер адам барлығы елу мың доллар алды. АҚШ-тың Коннектикут штатындағы Хеброн қаласының тұрғыны көлік нөмірінің арқасында мыңдаған доллар ұтып алды. Өткен жылдың желтоқсан айында Джеффри Уорд дүкенге бара жатып, 2137 нөмірі бар көлікті көрген. Ол дәл осындай сандары бар лотерея алуды шешкен. Барлығы 10 билет алыпты.
Нәтижесінде Уордтың әрбір билеті ұтысқа ие болды. Ақшалай сыйлықтың жалпы сомасы - 50 мың доллар (18 миллион теңгеден астам). Жеңімпаз 10 мың долларды қызына сыйлады. Ал қалған ақшаны сақтап қоюды жөн көрген.
