Атырауда газ құю стансaсында жарылыс болды
Атырауда автоцистерна өртенгендіктен бір адам зардап шекті.
10:54 05.06.2020
Оқыс оқиға бүгін, 5 маусымда жергілікті уақытпен сағат 08:20 шамасында болған. Оқиға түсірілген видео әлеуметтік желілерде тарады. Атамбаев көшесінде орналасқан автокөлікке газ құю стансысында автоцистерна жарылған. Соның салдарынан өрт шыққан. Бұл ақпаратты қалалық ТЖД растап отыр.
«Жарылыстан бір адам зардап шекті. Өртті сөндіруге 16 қызметкер мен 3 техника жұмылдырылды. Оқиғаның мән-жайы тексеріліп жатыр», - деп хабарлады Төтенше жағдайлар департаментінен.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
