Денсаулық министрлігі өткен тәулікте қанша адамның қайтыс болғанын жариялады
Министрліктің мәліметінше, қазір ауруханаларда емделіп жатқан 232 науқастың жағдайы ауыр, соның ішінде отызы хәл үстінде жатыр.
10:42 01.12.2020
Өткен тәулікте жеті адам коронавирустан көз жұмды, деп хабарлайды Қазақстанның денсаулық сақтау министрлігі. Өткен тәулікте тағы 7 науқас коронавирустан көз жұмды, ковидтік пневмониядан қайтыс болғандар жоқ. Бір тәулікте 68 адам пневмонияға шалдықты. Жалпы тамыздан бері 42 215 адам коронавирус белгілері бар пневмониямен ауырды, 443-і көз жұмды. Министрліктің ақпаратынша, қазір коронавирустан 13 444 адам ем қабылдауды жалғастыруда, олардың арасында 912 бала бар.
Стационарларда 3 586 науқас жатыр. 9 858 адам амбулаториялық жағдайда емделуде. Науқастардың арасында 232 адамның жағдайы ауыр, соның ішінде 30-ы хәл үстінде жатыр. 31 пациент жасанды тыныс алдырту аппаратына қосылған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
