Павлодарда спорт мектебінің шатыры опырыла құлады
Павлодарда «Батыр» спорт мектебінің шатыры опырыла құлады.
15:52 28.09.2021
Балалар жедел эвакуацияланды, зардап шеккендер жоқ. Төтенше жағдай бүгін сағат 10:05-те болған. Өңірлік туризм және спортты дамыту басқармасы басшысының орынбасары Нұрлан Есембаевтың айтуынша, Катаев көшесі, 63/1а мекенжайы бойынша орналасқан «Батыр» БЖСМ бокс залында шатыр құлап түскен.
"Зардап шеккендер жоқ. Залда ешкім болған жоқ. Таңертең жаттығу болды, шатырдың құлағанын естіген сәтте балалар жедел эвакуацияланды", – деді ол.
Ғимарат 1984 жылы пайдалануға берілген. Қазір ғимаратты полиция қоршап, анықтау жұмыстары жүргізілуде.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
