{metadescription}
Ақтау қаласына жаңа әкім тағайындалды

Ақтау қаласына жаңа әкім тағайындалды

Маңғыстау облысының әкімі Нұрлан Ноғаев Ақтау қаласы мәслихатының депутаттарына шаһар әкімі лауазымына Ербол Ізбергеновтің кандидатурасын ұсынды. Депутаттар ұсынысты қолдады. 

Ербол Ізбергенов Алматы құрылыс және менеджмент колледжін, Ақтау мемлекеттік университетін және Ресей Федерациясы Президенті жанындағы Ресей халық шаруашылығы және Мемлекеттік қызмет академиясын («Ғимараттар мен құрылыстарды салу және пайдалану», «Өнеркәсіптік және азаматтық құрылыс» және «Әкімшілік іс шебері» мамандықтары бойынша) бітірген. 

Еңбек жолын 1991 жылы Ақтауда «Маңғыстау мұнай-газ барлау» мекемесінде тас қалаушы болып бастаған. 

1994-1996 жылдары «Қаламқасстрой» ЖҚБ тас қалаушы; 1997 жылы «Каспий Кооперсервис» ЖШС шебері; 1997-2000 жылдары «Альбина» пәтер иелері кооперативінің шебері, учаске бастығы, бас инженері; 2000-2003 жылдары «West Kazakhstan Construction Company» ЖШС техникалық директоры болып жұмыс істеді. 

2003-2004 жылдары - «Kuat Корпорациясы» акционерлік қоғамының Ақтау филиалының шебері, 2004 жылы - Ақтау қаласы әкімі аппаратының сәулет және қала құрылысы бөлімінің бас маманы, 2004-2005 жылдары Маңғыстау ауылы әкімінің орынбасары қызметін атқарды. 

2005-2007 жылдары - Қызылтөбе ауылдық округінің әкімі. 

2007-2011 жылдары Маңғыстау облысы Мұнайлы ауданы әкімінің орынбасары; 2 012 жылы ҚР Денсаулық сақтау министрлігінің бас сарапшысы; 2012-2013 жылдары Маңғыстау облысы құрылыс басқармасының басшысы; 2014-2015 жылдары ҚР Индустрия және жаңа технологиялар министрлігінің ҚТРМ Ішкі әкімшілендіру басқармасының басшысы болды. 

2015 жылы - ҚР Денсаулық сақтау және әлеуметтік даму министрлігінің Инвестициялық жобалар басқармасының басшысы. 

2019 жылдан 2020 жылға дейін - «Ақтау теңіз порты «арнайы экономикалық аймағы« АҚ басқарма төрағасының орынбасары. 

2020 жылы - Ақтау қаласындағы «Атамекен» республикалық кәсіпкерлер палатасының директоры, «Ақтау теңіз порты» АЭА» АҚ басқарма төрағасының кеңесшісі. 

2020 жылдың тамыз айынан бүгінгі күнге дейін - Ақтау қаласы әкімінің орынбасары.

 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

Кеше

Серіктестер жаңалықтары

Қазір эфирде