{metadescription}

Алматылық жастарды болашақ мамандықтарымен таныстырды

Маманның бәсекеге қабілеттілігі мен сұранысы оның еңбек нарығындағы табысының негізі болып табылады. "Ашық есік күні" арнайы ұйымдастырылған білім беру іс-шарасында Қазақстанның белгілі қайраткерлері Алматы жастарына қандай мамандық таңдау керектігін айтты.

18:25 08.12.2022

"Медиа-платформалар мен интернет-арналар берілетін ақпаратты мультимедиялық ресімдеуді қажет етеді. Сайттарды жобалаумен айналысатын маман медиа дизайнер деп аталады және визуалды мазмұн жобаларын жасайды. Мамандық бағдарламалау және графикалық редакторларды қолдану саласындағы ақпараттық технологияларды біле отырып, көркемдік талант пен креативті ойлауды жүзеге асыру мүмкіндігін біріктіреді. Мамандықты игергісі келетін талапкерлер медиадизайн деген не және қандай факультеттер мен кафедралар неғұрлым кешенді оқу бағдарламасын ұсынатыны туралы ақпаратты зерделеуі қажет", - деді Әл-Фараби атындағы ҚазҰУ журналистика факультетінде өткен іс-шараны ұйымдастырушылар.

Іс-шара аясында баспа-редакторлық және дизайнерлік өнер кафедрасының мамандары ақпараттық сессиялар ұйымдастырды. Профессор-оқытушылар құрамы мен табысты түлектер Алматы тұрғындарына дизайн және медиа-дизайн мамандықтары бойынша оқуға түсу ережелері мен оқыту ерекшеліктері туралы айтып берді, сондай-ақ баспа ісі, редакторлық өнер сияқты классикалық оқыту бағыттарын жаңаша таныстыра алды.

Болашақ мамандардың тәлімгерлері бакалавриат, магистратура және докторантура бағдарламаларын таныстырды.