Семей орманы өртке оранды: құтқарушылар мен тікұшақтар жұмылдырылды
Абай облысының «Семей орманы» табиғи резерватында тұтанған өртті сөндіру әлі жалғасып жатыр.
Фото: t.me/abai_oblysynyn_akimdigi
09:01 09.06.2023
Мемлекеттік өртке қарсы қызмет органдарының күштері мен құралдары орман шаруашылығына өртті жоюға жәрдемдесуде.
ТЖМ төтенше жағдайды ауыздықтауға Орман шаруашылығы комитеті, ЖАО және Қорғаныс министрлігінің 300 астам адамы, 70 техникасы жұмылдырылғанын мәлімдеді.
«4 тікұшақ тартылды, өрт аумағын аэровизуалды тексеру және өрт ошақтарына су ағызу жүзеге асырылуда. ТЖ министрі Юрий Ильиннің өкіміне сәйкес күштер мен құралдарды үйлестіру үшін өрт орнына вице-министр М.Күлдіков жіберілді», - деп жазды ведомстводан.
Жергілікті атқарушы органдар Бородулиха ауылында Островский атындағы ОМ және колледжде эвакуациялық пункттерді орналастырды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
