Батыр Жүкембаевтың қарсыласы белгілі болды
Қазақстандық кәсіпқой боксшы Батыр Жүкембаев (20-1, 16 КО) алдағы кездесуі туралы ақпаратпен бөлісті.
Фото: sports.kz
18:38 01.12.2023
Отандасымыз твиттердегі парақшасында кездесудің ресми постерін жариялады.
Онда жекпе-жектің 13 желтоқсан күні өтетіні жазылған. Батырдың қарсыласы француз боксшысы – Мұхамед Мимун (23-5, 4 КО).
Бокс кеші Плант-Ситиде (АҚШ, Флорида штаты) өтеді. Жекпе-жек 10 раундқа жоспарланған.
Айта кетейік, 21 қыркүйек күні Жүкембаев дәл осы Плант-Ситиде аргентиналық Уго Альберто Ролданды жеңіп, бірінші жартылай орта салмақта WBA NABA атағын жеңіп алған болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
