Қазақстанға АҚШ-тан поштамен электронды темекі жөнелтілген
Қаржы мониторингі агенттігінің Алматы қаласы бойынша департаменті психотроптық заттарды ірі көлемде мемлекеттік шекара арқылы заңсыз өткізу фактісін тергеп-тексеріп жатыр
12:39 27.02.2024
Қалалық авиациялық көлік прокуратурасының үйлестіруімен «Жетісу» кеден бекетінің аймағында психотроптық зат – тетрагидроканнабинол (ТГК) бар 84 дана электронды темекі салынған пошта жөнелтілімдері анықталды.
Жедел-іздестіру шараларының нәтижесінде тағы 103 дана электронды темекі және иісі бар қоңыр түсті сұйықтық құйылған 42 клиромайзер табылып, тәркіленді.
Бұл сәлемдемелер Қазақстанға АҚШ-тан халықаралық пошта арқылы келген.
Сот қаулысымен осы қылмысты жасады деген күдікке ілінген адамға қатысты 2 ай мерзімге қамауға алу түріндегі бұлтартпау шарасы таңдалды.
Сотқа дейінгі тергеу жалғасуда.
ҚР ҚПК 201-бабы тәртібінде, тергеу мүддесіне сай өзге мәліметтер жария етілмейді.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
