Алдағы аптада еліміздің біраз өңірінде жаңбыр жауады
Бұл туралы «Қазгидромет» РМК баспасөз хатшысы Алина Исмагулова мәлім етті.
16:08 20.04.2024
«Қазақстан аумағында қар басып жатқан жердің жалпы ауданы 3 пайызды құрады. Қар жамылғысы негізінен Шығыс Қазақстан, Абай, Жамбыл, Түркістан, Алматы мен Жетісу облыстарының орманды және таулы аймақтарында сақталған. Синоптикалық болжамға сәйкес 20-26 сәуір аралығында Қазақстан аумағының басым бөлігінде ауа райы құбылмалы болады, тек кей күндері жауын шашынсыз өтуі мүмкін», - деді А. Исмагулова Орталық коммуникациялар қызметіндегі брифингіде.
Оның айтуынша, аптаның басында және ортасында Шығыс Қазақстан облысында жаңбыр болуы ықтимал. Апта аяғында Қазақстанның солтүстік-батысында, солтүстігінде, орталығында, Абай облысында түнгі кезде қар аралас жаңбыр жауады.
«Сонымен қатар, 23, 25 сәуірде Жамбыл облысында, 26 сәуірде Түркістан, Алматы, Жетісу облыстарында нөсер жауын болуы мүмкін», - деді Қазгидромет өкілі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!