ФОТО: СҚО-да жолаушылар автобусы өртеніп кетті
Қозғалтқыштан өрт шығып, автобустың іші жана бастаған.
11:55 22.07.2018
Солтүстік Қазақстан облысында 20 жолаушы мінген атвобустан өрт шықты. Автобус толығымен жанып кетті, құрбандар жоқ, деп мәлімет берді ІІМ төтенше жағдайлар жөніндегі баспасөз қызметі.
"Сенбі күні 11.13-те "Кокшетау — Рузаевка" жолында КАВЗ "Аврора" автобусының қозғалтқышынан өрт шығып, көліктің салонына ұласты. Автобус Дружба ауылынан Көкшетауға бара жатқан еді. Өрт 12.33-те ауыздықталып, 13.28-де толығымен сөндірілді. Зардап шеккендер мен қаза тапқандар жоқ", — деп мәлімет берді құтқарушылар.
Барлық жолаушы көліктен өздері шығып, жолай көлікпен межелеген жерлеріне аттанып кеткен.
Дереккөз: Sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
