{metadescription}
Петропавл қаласы карантинге жабылады

Петропавл қаласы карантинге жабылады

Петропавл қаласы аумағына карантин режимі енгізіледі.

Бұл туралы Солтүстік Қазақстан облысының әкімі Құмар Ақсақалов мәлімдеді.

«Кешеден бері біздің облыста шектеу шаралары енгізілді. Аурудың таралу тенденциясы бұл шараларды белсендірек жүргізуге мәжбүрлеп отыр. 3 сәуір күні сағат 00.00-де Петропавл қаласы аумағына карантин режимін енгізу шешімі қабылданды», - деді облыс әкімі «QYZYLJAR» телеарнасының тікелей эфирінде.

Карантиннің басты мақсаты - вирустың таралу тізбегін үзу. Көшелер мен жаяужолдарда, алаңдарда резифнекциялық жұмыс жүргізіледі. Үйлер мен ұйымдарда санитарлық тазалау күшейеді. Барлық қоғамдық орындар, саябақтар мен скверлер жабық.

«Петропавл қаласына кіріп-шығу 1 сәуірден бері шектелген. Тұрғындар әлі де қалаға кіріп-шыға алады. Бүгін түнде автокөлік қозғалысын толығымен тоқтатамыз. Қала маңы автобустары тоқтатылады. Қалалық қоғамдық көлік те толығымен тоқтайды», - деді әкім.

Айта кетейік, қазір облыста коронавирус жұқтырған 7 адам тіркелді.

Қазақстандағы коронавирус туралы барлық ақпаратты мына жерден оқи аласыз.

ЖӘНЕ ҚАРАҢЫЗ
ЖӘНЕ ОҚЫҢЫЗ

Серіктестер жаңалықтары

Загрузка...
Қазір эфирде
Для просмотра требуется поддержка flash и javascript.