{metadescription}
 Атбасарда 200 миллионға салынған бөгеннің жарылуына қатысты қылмыстық іс қозғалды
 Атбасарда 200 миллионға салынған бөгеннің жарылуына қатысты қылмыстық іс қозғалды

Атбасарда 200 миллионға салынған бөгеннің жарылуына қатысты қылмыстық іс қозғалды

Ал Атбасардағы апатқа кінәлілерді іздеу басталып та кетті. Ішкі істер министрлігі бөгеннің жарылуына қатысты қылмыстық іс қозғады. Онсыз да ескі плотина дұрыс пайдаланылмаған деген күдік бар. Соның кесірінен, топырақ бөгет судың арынын қайтара алмай, жүздеген үйді су шайып кеткен. Жабай өзенінен келген залал жалғыз Атбасарды емес, Сандықтау жұртын да әбігерге салуда. Тіпті, үйінен шыға алмай қаза тапқандар да бар.

Апат болғалы талау уақыт өтсе де Атбасардағы жағдай әлі реттелмей тұр. Мұнда су басқан 200-ден астам үйден 450 адам көшіріліпті. Ағын су республикалық маңызы бар тасжолды басып, қатынас та тоқтаған. Ал бөгеттің жарылуына оның дұрыс пайдаланылмауы себеп болған сыңайлы. Ішкі істер министрлігі осындай баппен қылмыстық іс қозғап, тексеруді де бастап кетті.

Атбасардың астан-кестеңін шығарған Жабай өзені Сандықтаудағы жұртты да сабылтып қойды. Мұнда 40 үй белуардан суда тұр. Тасқын төтеннен келгенде тұрғындар тек қара бастарын әрең құтқарыпты. Ал,  үйінен шығып үлгірмеген 60 жастағы Науша Сұрағанова жертөледегі суға тұншығып өлген.

Тұрсын Абдулова, марқұмның жеңгесі:

-Қақпағы  көтеріліп кеткен. Балам әзер алып шығыпты. . Мұндай ажал болады деп кім ойлаған?

Аудан орталығы Балкашин поселкесінде де тура осы жағдай. 150 үйге белуардан су кірген. Ағысқа төтеп бере алмай, құлаған үйлер де баршылық. Жалпы аудан бойынша 729 адам қауіпсіз жерге көшіріліпті. Барар жері жоқтар оқуы тоқтатылған мектеп ғимаратына орналасқан. Ал жергілікті билік болса, апаттың айтпай келгенін алға тартып, ақталады.

Қайрат Омаров, Сандықтау ауданы әкімінің орынбасары:

-Күтпеген су  келді Айдаболдан.Көрші ауданнан. Жаңа айттым ғой, платина жарылды.

-Қайда асығып барасыз?

-Әкімді күтіп алауға. Әкім келе жатыр.

Екпіні қатты болған өзен суы осылайша екі бірдей елді мекеннің тұрғындарын әуре сарсаңға салды. Дегенмен Жабай өзені әлі мұз құрсауынан толық босай қойған жоқ.Соған қарағанда күн күрт жылына жағдай екінші мәрте қайталануы мүмкін дейді тұрғындар.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

Серіктестер жаңалықтары

Қазір эфирде
Для просмотра требуется поддержка flash и javascript.