Ақышев Әзірбайжанға аударылған ақшаға қатысты түсініктеме берді
Ал Ұлттық банк басшысы бүгін осы Зейнетақы қорының Әзірбайжан банкіне салған қаржыға қатысты мәлімдеме жасады. Бұл Данияр Ақышевтың даулы инвестицияға қатысты алғаш рет пікір білдіруі.
Автор: Жәудір Оразхан
23.05.2017
Данияр Ақышев, ҚР Ұлттық банк төрағасы:
-Қазір бұл мәселе бойынша жұмыс істеп жатырмыз. Ақпаратты алдымен Үкімет, премьер-министр, Мемлекет басшысына жеткіземіз. Содан кейін шешім қабылдап, Ұлттық банк оны жариялайды.
Ертең Алматыда арнайы баспасөз жиынын өткіземіз деген Бас банкир қаумалаған тілшіден осылай түк айтпастан қашып құтылғанша асықты. Негізі шетел асқан миллиардтардың тағыдырына осы Ұлттық банк тікелей жауапты. Естеріңізге салсақ, Біріңғай жинақтаушы зейнетақы қоры Әзірбайжан банкіне 71 миллиардтан астам теңге салған болатын. Ал шетелдік қаржы ұйымының қазір жағдайы өте қиын. Банкрот болуыдың алдында тұрған банк енді тек өз үкіметінен көмек сұрап отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
