Бүгін Қазақстанда жаңбыр жауып, жел күшейеді
3 қазанда ел аумағының басым бөлігінде жауын-шашын болады, тек республиканың оңтүстік-батысында ғана күн ашық.
10:45 13.10.2018
Қызылорда облысының кей жерлерінде тұман, желдің жылдамдығы түнде 15-20 м/с, күндіз 15-20, кей жерлерде 23-28, екпіні 30 м/с жетеді. Жамбыл, Түркістан облыстарының кей жерлерінде тұман түседі, жел 15-20, екпіні 23-28 м/с, Жамбыл облысының оңтүстік-батысында 30 м/с және одан да асады.
Павлодар облысының басым бөлігінде желдің жылдамдығы 15-20, кей жерлерде 23-28 м/с жетеді, кей жерлерде тұман түсуі ықтимал. Қарағанды, Қостанай, Солтүстік Қазақстан облыстарының кей жерлерінде тұман болады, жел 15-20 м/с, Қарағанды облысында кей уақыттарда екпіні 25 м/с жетеді.
Ақмола, Шығыс Қазақстан облыстарының кей жерлерінде жел 15-20, екпіні 23-28 м/с күшейеді. Маңғыстау облысының кей жерлерінде түнде және таңертең тұман, күндіз жел тұрып, жылдамдығы 15-20 м/с жетеді. Батыс Қазақстан, Ақтөбе, күндіз Алматы облыстарының кей жерлерінде жел 15-20 м/с күшейеді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Серіктестер жаңалықтары
