Семейде Ертіс өзеніндегі көпір түнде жабылады
Семейде Ертіс өзеніндегі автокөлік жүретін көпірді жабу (белгілі бір уақыттарда) туралы шешім қабылданды.
17:06 10.07.2020
Әкімдіктегілердің айтуынша, Семей тұрғындары бірнеше рет қалалық әкімшілікке шағымданып, автокөлік көпірінің жағдайына қанағаттанбайтындарын жеткізген. Облыстық жолаушылар көлігі және автомобиль жолдары басқарамасының ұсынысымен нысанды күрделі жөндеуден өткізу үшін жобалық-сметалық құжат дайындау туралы шешім қабылданды.
«Мердігер ұйымның мамандары көпірді техникалық тексерістен өткізеді. Нысанның құрылыс сараптамасы бойынша объекті уақытша жабылады», - деп түсіндірді әкімдіктегілер.
Айт кетсек, автокөлік көпіріндегі қозғалыс кешкі 21.00-ден таңғы 05.00-ге дейін жабылады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
