Алдағы үш күн 46 градус шыңылтыр аяз сақталады
Қазгидромет синоптиктері 9-11 желтоқсанға арналған үш күндік ауа райы болжамын жариялады.
Фото: Pexels
15:51 08.12.2023
Алдағы үш тәулікте арктикалық антициклонның әсерінен республиканың басым бөлігінде жауын-шашын тоқтап, аязды ауа райы күшіне мінеді.
Ал атмосфералық фронттардың әсерінен республиканың шығысында қар жауады.
Қазақстанның оңтүстік-батысында және оңтүстік облыстарында жауын-шашын (жаңбыр, қар) сақталады.
Республиканың оңтүстігінде тау бөктерінде және таулы аймақтарда қатты қар жауады.
«Ауа температурасы түнде солтүстік-батыста 20-37 градус аязға дейін, солтүстікте 30-38 градус аяз, республиканың қиыр солтүстігінде 40-46 градус аязға дейін суытады. Орталықта және шығыста күн 25-35 градус аязға дейін төмендейді. Республика бойынша жел күшейіп, оңтүстік облыстарда тұман болжанады» деп мәлімдеді синоптиктер.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
